राष्ट्रपति डोनाल्ड ट्रम्पले व्हाइट हाउसमा कृतिम बुद्धिमत्ता (एआई)मा ५०० बिलियन डलर लगानीको घोषणा गरेका छन् । व्हाइट हाउसमा आयोजित पत्रकार सम्मेलनमा उनले उक्त घोषणा गरेका हुन् ।

सफ्टबैंकका प्रमुख कार्यकारी अधिकारी (सीईओ) मासायोशी सन, ओपनएआईका साम अल्टम्यान र ओरेकलका ल्यारी एलिसनले “स्टारगेट” उद्यममा ५०० बिलियन डलर लगानीको दाबी गर्न ह्वाइट हाउसमा ट्रम्पसँग सामेल भएको एबिसीन्यूजले जनाएको छ ।

“हामी तुरुन्तै १०० मिलियन डलर काममा लगाउने छौं ..,” सनले भने। त्यहाँ आएका उधमी/व्यवसायीहरूले चिकित्सा अनुसन्धान सहित विभिन्न परियोजनाहरूमा कृत्रिम बुद्धिमत्ता प्रयोग गर्ने योजना बनाएको बताए । “हामी संयुक्त राज्य अमेरिकामा यो गर्न पाउँदा खुसी छौं,” अल्टम्यानले भने।

त्यहाँ उपस्थित पत्रकारहरुले ट्रम्पलाई जनवरी ६ का दोषीहरूलाई माफी दिएको बिषयमा जिज्ञाशा राख्दा त्यसको बचाउ गरे । एक अधिकारीमाथि आक्रमण गरेको स्वीकार गर्ने एक जना सहित जनवरी ६ का हिंसात्मक दोषीहरूलाई माफी दिने बारे प्रश्नलाई उनले बेवास्ता गरे। उनले माफी दिइएका व्यक्तिहरूलाई अन्यायपूर्ण रूपमा मुद्दा चलाइएको आफ्नो दाबी दोहोर्‍याए । ट्रम्पले बाइडेनले पद छोड्नु अघि “धेरै राम्रो पत्र” दिएको र उनले यसको कदर गरे।

“यो एक प्रेरणादायी प्रकारको पत्र थियो,” उनले भने। आफ्नो एआई पूर्वाधार घोषणाको क्रममा ट्रम्पले युरोपेली संघमा शुल्क लगाउने धम्की दिए ।

159Shares