काठमाडौं– नवनियुक्त उर्जामन्त्री कुलमान घिसिङले विद्युत् प्राधिकरणलाई डेडिकेटेड ट्रंकलाइनको बक्यौता रकम असुल्न निर्देशन दिएका छन् ।

उनले मन्त्रालय सम्हाले पछिको पहिलो निर्णयको रूपमा डेडिकेटेड ट्रंकलाइनको बक्यौता रकम असुल्न निर्देशन दिएका हुन् ।

पूर्वकार्यकारी निर्देशकका रूपमा नेपाल विद्युत प्राधिकरणमा दुई कार्यकाल बिताएका घिसिङले पहिलो कार्यकालमै मुलुकभरको लोडसेडिङ अन्त्य गर्दै “उज्यालो नेपाल” का प्रतीक बनेका थिए ।

उनले विद्युत् वितरण सुधार, नाफा वृद्धि, पारदर्शिता, ग्रामीण विद्युतीकरणमा उल्लेखनीय काम गरेका थिए । तर, कार्यकालको अन्त्यतिर उद्योगहरूको छुट बिल कटौती विवादमा समेत तानिए ।