चर्चित नेपाली महिला रेस्लर भगवती खड्का ‘युनिका’ले पाकिस्तानको कराँचीमा सम्पन्न महिला रेस्लिङमा जीत हात पारेकी छन् । उनले शनिबार अबेर भएको भिडन्तमा पाकिस्तानी महिला रेस्लर बेंगिसालाई हराएकी हुन् ।

आफ्नी पाकिस्तानी प्रतिद्वन्द्वी बेंगिसा नयाँ खेलाडी भएकाले आफूलाई खेल्न केही असहज भएको पनि उनले बताइन् ।

‘खेल निकै रमाइलो थियो । मैले खेल जितेर बेल्ट पनि हात पारेँ । तर, बेंगिसा मैले सोचेजस्तो रेस्लर थिइनन् । महिलाहरू बुर्का ओढेर हिँड्ने ठाउँमा महिला रेस्लिरको इन्ट्री हुनु आफैंमा खुसीको कुरा हो । मैले नेपाली हामी रहौंला कहाँ नेपालै नरहे भन्ने गीत पनि गाएँ । पाकिस्तानीहरूले नबुझे पनि ताली बजाएर सपोर्ट गरे,’ युनिकाले भनिन् ।