हिमालय एयरलाइन्सले ल्हासा-पोखरा नियमित उडान सुरु गरेको छ।

सोमबार चीनको स्वशासित क्षेत्र ल्हासाबाट पोखरा अन्तर्राष्ट्रिय विमानस्थलमा अवतरण गरेको हो।

नेपाल र चिनियाँहरुको संयुक्त लगानी रहेको हिमालय एयरलायन्सले काठमाडौं-ल्हासा मात्रै उडान गरिरहेकोमा अब पोखरा-ल्हासा नियमित उडान गर्नेछ।

‘ल्हासाबाट १०७ यात्रुसहित बिहान विमान पोखरा आएको हो’, पोखरा विमानस्थलकी प्रवक्ता जशोदा सुवेदीले भनिन्, ‘मंगलबार पोखराबाट ल्हासा उडान भर्दै छ।’

उनले हरेक हप्ता नियमित उडान हुने जानकारी दिइन्।

सन् २०२३ को जनवरीबाट पोखरा विमानस्थल सञ्चालनमा ल्याए पनि नियमित उडान हुनसकेका थिएनन्। पछिल्लो समय चिनियाँ एयरलाइन्स कम्पनी सिचुवान एयरलाइन्सले चार्टर्ड प्यासेन्जर उडान थालेको छ।

न्यारोबडी जहाजहरुले पोखरा विमानस्थलबाट अन्तर्राष्ट्रिय उडान गर्न सक्छन्।