काठमाण्डाैं – कानुन, न्याय तथा संसदीय मामिला मन्त्री सोबिता गौतमले राष्ट्रिय सभा अध्यक्ष नारायण प्रसाद दाहाललाई भेट गरी सरकारले संघीय संसदमा ल्याउने तयारी गरेका १६६ वटा विधेयकको सूची बुझाएकी छन् ।

अध्यक्ष दाहालले सरकारले संघीय संसदमा पेश गर्ने विधेयकहरूको तयारी गरिरहेको थाहा पाउँदा खुसी लागेको बताए ।

सरकारले जतिसक्यो छिटो र धेरै विधेयक संसद्मा पेश गर्दा कानुन निर्माणको काममा संघीय संसद्ले कुनै ढिलाइ नगर्ने बताए ।

सो अवसरमा संघीय संसद्मा पेश गर्ने विधेयकहरूको प्राथमिकता समेत गरेर तयारी गरिरहेको भन्दै कानून मन्त्री गौतमले संसद्लाई बिजनेशविहीन हुन नदिने बताइन् ।