काठमाडौं – नेपालले आईसीसी क्रिकेट विश्वकप लिग–२ मा ओमानविरुद्ध खराब सुरुआत गरेको छ ।

मंगलबार कीर्तिपुरस्थित त्रिवि क्रिकेट रंगशालामा टस जितेर ब्याटिङ रोजेको नेपालले ओमानविरुद्ध सुरुआती १० ओभरमा एक विकेट गुमाएर २९ रन बनायो । नेपालले ११ औँ ओभरमा ३४ रन जोडेको छ ।

हाल क्रिजमा रहेका अर्जुन कुमालले १५ रन बनाएका छन् । आशिफ शेख १८ रनमा खेलिरहेका छन् । त्यसअघि पभेलियन फर्किएका ओपनर विनोद भण्डारी ‘डक’ आउट भए । ओमानका निम्ति जितेन रमानन्दीले एक विकेट लिए।

दुई खेल भने रद्द भएको थियो । यता, ओमान भने १५औँ जितको खोजीमा छ । ओमान ३१ अंकका साथ तालिकाको तेस्रो स्थानमा छ । टोलीले २७ खेल खेल्दा १४ जित र १० हार व्यहोरेको छ ।

टोलीको तीन खेल भने रद्द भएको थियो । ओमान र नेपालको यो दोस्रो खेल हो । यसअघि श्रृंखलाअन्तर्गत भएको पहिलो खेलमा ओमानले घरेलु टोलीलाई डीएलएस प्रणालीका आधारमा १०२ रनले पराजित गरेको थियो ।