काठमाडौं – पुराना राजनीतिक पार्टीका कार्यकर्ता जुर्मुराउन थालेका छन् । विभिन्न मागहरू अघि सार्दै केही कार्यकर्ताहरूले माइतीघर-बबरमहल क्षेत्रमा प्रदर्शन थालेका हुन् ।

सुरुदेखि नै जेन जी आन्दोलनलाई सहजीकरण गरिरहेको ‘हामी नेपाल’ले भनेको छ, “माइतीघर क्षेत्रमा अहिले भइरहेको प्रदर्शन पुराना राजनीतिक पार्टीका कार्यकर्ताको अग्रसरतामा सुरु भएको कुरा स्पष्ट पार्न चाहन्छौँ । हामी राष्ट्रका युवाहरूलाई उक्त प्रदर्शनमा भाग नलिन आग्रह गर्दछौँ ।”

“हामीले यही समयमा पूर्व प्रधान न्यायाधीश सुशीला कार्कीको सवालमा जेन जीले देखाएको सकारात्मक प्रतिक्रिया ग्रहण गर्दै प्रशंसा गर्न चाहन्छौँ । तपाईँहरूले देखाउनु भएको समर्थन हामीले खोजीरहेको परिवर्तनको भावना हो,” हामी नेपालको सूचनामा भनिएको छ ।