ईरानको सर्वोच्च नेता अयातोल्लाह खामेनीको नियन्त्रणमा रहेको ‘कायहान’ नामक सरकारी अखबारले राष्ट्रपति डोनाल्ड ट्रम्पलाई लक्षित गर्दै ‘खाली टाउकोमा गोली हान्नुपर्छ’ भन्ने अश्लील र खतरनाक टिप्पणी गरेको छ। फक्सन्यूजका अनुसार यो समाचार ईरानी सेनाका प्रमुख कासिम सुलेमानीको हत्या भएको बदलाको सन्दर्भमा आएको हो।

फक्सन्यूजका अनुसार समाचार फारसी भाषामा लेखिएको छ ।

कायहानले यस्तो लेखेको छ , “उनी हदभन्दा बाहिर गइसके। कुनै पनि दिन, शहीद सुलेमानीको रगतको बदला स्वरूप, उनको खाली टाउकोमा केही गोली हानिनेछ ।”

स्मरण रहोस्, जनवरी २०२० मा राष्ट्रपति ट्रम्पको आदेशमा इराकको बगदादमा मानव रहित यान (ड्रोन)हमला गरी सुलेमानीलाई मारिएको थियो। त्यसयता ईरानले ट्रम्प र उनका तत्कालीन प्रशासनका अधिकारीहरूको हत्या गर्ने धम्की दिँदै आएको छ।

हालै राष्ट्रपति ट्रम्पले ईरानको अवैध आणविक हतियार कार्यक्रम नरोके कडा प्रतिक्रिया दिने चेतावनी दिँदै भनेका थिए, “यदि उनीहरूले सम्झौता गरेनन् भने बमबारी हुनेछ, नत्र चार वर्षअघि झैँ फेरि शुल्क लगाइनेछ।”

कायहानले अमेरिकाको अर्थतन्त्रमा ट्रम्पका नीतिका कारण भएको क्षतिबारे आरोप लगाउँदै लेखेको छ, “उनी धम्की दिन्छन् अनि पछि हट्छन्। उनको नीतिले अमेरिकी अर्थतन्त्रमा तीन ट्रिलियन डलर क्षति पुर्‍याएको छ।”

इरानी आणविक बिरुद्ध एकताका निर्देशक जेसन ब्रड्स्कीका अनुसार कायहान सम्पादक होसेन शरियतमदारी खामेनीका प्रतिनिधि हुन्। उनले भने, “ईरान वार्ता र परस्पर सम्मानको कुरा गर्छ, तर आफ्नै राष्ट्रपति ट्रम्पको हत्या गर्न धम्की दिने अखबारलाई समर्थन गर्छ।”

ईरान विज्ञ बेनी साबतीले भने, “ईरानले विश्वलाई ट्रम्पविरुद्ध एकजुट गराउन खोजेको छ। उनीहरू आर्थिक र मानसिक दबाबमार्फत अमेरिकाविरुद्ध भावना भड्काउँदैछन्।”

यसैबीच अमेरिकी न्याय विभागले ट्रम्पविरुद्धको हत्या योजना भर्खरै असफल बनाएको छ। न्यूयोर्कमा दर्ता गरिएको मुद्दामा ईरानी क्रान्तिकारी सुरक्षाकर्मी (गार्ड्स)का एक अधिकारीले ट्रम्पको गतिविधिमा निगरानी राखी अन्ततः हत्या गर्ने योजना बनाएको खुलेको हो।