शुक्रबार, चैत्र २२, २०८१
Friday, April 4, 2025

निराैलाकाे जन्माेत्सवमा लाेहनी सम्मानित

काठमाडौं – “माटो बदलिँदैन, विचार बदलौं“ भन्ने नाराका साथ नेपाली कला, संस्कृति तथा चलचित्र क्षेत्रको सर्वाङ्गिण विकासका लागि विसं २०५२ मा स्थापना भएको परिवर्तन नेपालले राजधानीमा आयोजित एक कार्यक्रममा हालै चलचित्र विकास बोर्डका नवनियुक्त सदस्य सन्तोष बाबु लोहनीलाई सम्मान गरेको छ ।

विशिष्ट चलचित्र अभिनेत्री बसुन्धरा भुषाल, विशिष्ट कलाकार कृष्ण मल्ल, लय संग्रौला, विशिष्ट चलचित्र निर्देशक रमेश बुढाथोकी तथा परिवर्तन नेपालका संस्थापक एवं केन्द्रीय अध्यक्ष मोहन निरौलाले संयुक्त रूपमा सम्मानपत्र प्रदान गरेका थिए ।

परिवर्तन नेपालले विगतका वर्षहरूमा झैं यस वर्ष पनि संस्थापक अध्यक्ष मोहन निरौलाको जन्मोत्सवको अवसर पारेर उक्त कार्यक्रमको आयोजना गरेको हो । कार्यक्रममा चलचित्र विकास बोर्डका अध्यक्ष दिनेश डिसी, चलचित्र संघका अध्यक्ष नरेन्द्र महर्जन, साहित्यकार राधेश्याम लेकाली, अधिवक्ता कृष्ण ढुङगाना लगायतका विशिष्ट व्यक्तित्वहरूले अध्यक्ष निरौलालाई जन्मदिनको शुभकामना दिएका थिए ।

मानिसहरुको जीवन जसरी पञ्च तत्वद्धारा निर्देशित हुन्छ त्यसैगरी सोही पञ्चतत्वको अनुष्ठान गरी हाम्रो मौलिक परम्परा, संस्कृति र सभ्यता बमोजिम अध्यक्ष निरौलाको जन्मदिनको अवसरमा पञ्च दिपप्रज्वलन गरिएको थियो । हाम्रो धार्मीक मान्यता अनुरुप पञ्चदिप प्रज्वलित गर्दा मानिसहरुमा आफ्नो कर्म, पेशामा क्रियाशिल रहँदै आफ्नो आचारण तथा स्वभावमा सदाचारिताको विकास हुन्छ भन्ने जनविश्वास रहेको छ ।

WRITE COMMENTS FOR THIS ARTICLE

0 0 votes
Article Rating
Subscribe
Notify of
guest
0 Comments
Oldest
Newest Most Voted
Inline Feedbacks
View all comments

RELATED NEWS ARTICLES

YOU MAY ALSO LIKE

0
Would love your thoughts, please comment.x
()
x