काठमाडौं – चलचित्र विकास बोर्डमा अध्यक्ष दिनेश डीसीसहित चार पदाधिकारीको पद धरापमा परेको छ । सरकारले राजनीतिक नियुक्तिमार्फत विभिन्न निकायमा पुगेका व्यक्तिहरूलाई कार्यकाल सकिनुअगावै हटाउन ’केही नेपाल ऐन संशोधन अध्यादेश’ अघि बढाएपछि बोर्डमा हलचल मच्चिएको हो ।

आगामी भदौमा कार्यकाल सकिने अध्यक्ष डीसीसँगै सदस्यहरू सन्तोषबाबु लोहनी, वीरेन्द्रप्रसाद भट्ट र गणेशप्रसाद सुवेदीलाई एकमुष्ट हटाउने तयारी भइरहेको छ ।

सत्ता र शक्तिको निकटताका आधारमा नियुक्त भएका करिब १२०० पदाधिकारीलाई हटाउने सरकारी योजनाअन्तर्गत सञ्चार मन्त्रालयले बोर्डका पदाधिकारीहरूको विवरण बुझाइसकेको छ । यसरी ऐन नै संशोधन गरेर पदमुक्त गर्ने प्रक्रिया सुरु भएपछि बोर्डका पदाधिकारीहरूमाझ त्रास छाएको छ ।