अर्घाखाँचीमा राष्ट्रिय स्वतन्त्र पार्टी (रास्वपा) ले मतान्तर बढाउँदै लगेको छ।

सुरूवाती चरणमै अग्रता लिएका रास्वपा उम्मेदवार हरीप्रसाद भुसालले निकटम प्रतिद्वन्दी नेपाली कांग्रेसका बिष्णु मुस्कानसंग करिब १ हजार ५९४ को मतान्तर कायम गरेका छन्।

सन्धिखर्क नगरपालिका वडा नम्बर १,२,३,४ र ५ को मतगणना सम्पन्न हुँदा भुसालले ३ हजार ३७० मत पाएका छन् । यस्तै कांग्रेसले १ हजार ७७६, एमालेले १ हजार ५६३ मत ल्याएको छ।

अर्घाखाँचीमा १ लाख ७१ हजार ६ सय ५२ मतदाता थिए। बिहीबार सम्पन्न निर्वाचनमा ८६ हजार ६६८ मत खसेको थियो। जसमध्ये महिला ४७ हजार ६ सय ८८ र पुरूष ३८ हजार ९ सय ८० मतदाताले निर्वाचनमा भाग लिएका थिए।