राष्ट्रियसभाको बैठकबाट तीनवटा अध्योदश स्वीकृत
काठमाडौं – राष्ट्रियसभाको बैठकबाट अगामी २१ फागुनको निर्वाचनलाई लक्षित गरी सरकारले जारी गरेका तीनवटा अध्योदश स्वीकृत भएका छन् ।
राष्ट्रियसभाको सोमबार बसेको बैठकबाट ती अध्यादेशहरू स्वीकृत भएका हुन् । राष्ट्रियसभामा गृहमन्त्री ओमप्रकाश अर्यालले मतदाता नामावली ऐन, २०७३ लाई संशोधन गर्न बनेको अध्यादेश, २०८२, प्रतिनिधि सभा सदस्य निर्वाचन (पहिलो संशोधन) अध्यादेश, २०८२ र नेपाल विशेष सेवा ऐन (दोस्रो संशोधन) अध्यादेश, २०८२ लाई स्वीकृत गरियोस् भन्ने प्रस्ताव पेस गरेका थिए ।
उक्त प्रस्ताव सर्वसम्मतिले स्वीकृत गरिएको हो ।
WRITE COMMENTS FOR THIS ARTICLE