काठमाडौं, – प्रधानमन्त्री केपी शर्मा ओलीले आज साँझ ६ बजे मन्त्रिपरिषद् बैठक बोलाएका छन्। बैठक बालुवाटारस्थित प्रधानमन्त्री निवासमा बस्नेछ।

प्रशासन स्रोतका अनुसार बैठकमा मन्त्रालयहरूले पेस गरेका नियमित प्रस्तावहरूबारे छलफल हुनेछ।

सम्भावित निर्णयहरूमा विकास निर्माणसम्बन्धी महत्त्वपूर्ण प्रस्तावहरू, कर्मचारी प्रशासनका विषय, तथा अन्य समसामयिक नीतिगत निर्णयहरू समेटिने जनाइएको छ। साथै केही सरुवा, बढुवा तथा नियुक्ति पनि हुन सक्ने सम्भावना पनि रहेको बताइएको छ ।