अमेरिकी राष्ट्रपतिमा डोनाल्ड ट्रम्पले जिते लगत्तै मेक्सिको र क्यानडा बोर्डरबाट अमेरिका छिर्ने अबैध आप्रवासीको सख्यामा कमी आएको अमेरिकी सिमा अधिकारीहरुले बताएका छन । नोभेम्बरमा मेक्सिको र क्यानडासँगको संयुक्त राज्य अमेरिकाको सिमाना पार गर्ने गैरकानुनी रूपमा पक्राउ परेका आप्रवासीको संख्या घटेको एक वरिष्ठ अमेरिकी सीमा अधिकारीले रोयटर्सलाई भनेको समाचार प्रकासित भएको छ । अघिल्लो महिनाको तुलनामा अमेरिकी सीमा गस्तीले नोभेम्बरमा अवैध रूपमा संयुक्त राज्य अमेरिका–मेक्सिको सीमा पार गर्ने लगभग ४७ हजार आप्रवासीहरूलाई पक्राउ गरेको जनाएको छ । प्रारम्भिक तथ्याङ्क अनुसार, अमेरिकी भन्सार र सीमा सुरक्षा अधिकारीले भने, यो संख्या अक्टोबरमा झण्डै ५७ हजारबाट घटेर ४७ हजारमा सीमित भएको हो । यो सख्या जुलाई २०२० पछिको सबैभन्दा कम मासिक कुल सख्या हो ।

क्यानाडासँगको सिमानामा, करिब ७०० आप्रवासी अवैध रूपमा पार गर्दै गर्दा गत हप्ता पक्राउ परेका थिए, जुन अक्टोबरमा १,३०० भन्दा कम थियो । गत हप्ता एक ट्रुथ सोशल पोष्टमा, ट्रम्पले मेक्सिको र क्यानडाका सबै सामानहरूमा २५% शुल्क लगाउने वाचा गरेपछि दुवै देशका प्रमुखहरुले अबैध आप्रवासीलाई रोक्न राष्ट्रपति ट्रम्पसंग सहमति जनाएका छन । मेक्सिकोका राष्ट्रपति क्लाउडिया शेनबाउमले ट्यारिफले दुबै देशका लागि गम्भीर नतिजा ल्याउने भन्दै संभवभएसम्म अबैध आप्रवासी रोक्ने वचन दिएकी थिईन । क्यानडाका प्रधानमन्त्री जस्टिन ट्रुडोले गत शुक्रबार ट्रम्पसँग उनको फ्लोरिडास्थित मार–ए–लागो निवासमा भेट गर्दै अबैध आप्रवासी घुसपैट रोक्ने प्रतिवद्धता जनाएका हुन । ट्रम्पको चेतावनीपछि मेक्सिको सीमामा आप्रवासीहरूको अमेरिकी गिरफ्तारीमा नाटकीय रूपमा गिरावट आएको समाचार माध्यमहरुले जनाएको छ ।

त्यसपछि अध्यागमन प्रवर्तनलाई तीव्र पार्दै अमेरिका जाने बाटोमा लाखौं आप्रवासीहरूलाई रोकेको जनाइएको छ । मेक्सिकोमा १०० माइल (१६१ किलोमिटर) उत्तरमा अमेरिका हिडेका आप्रवासीका समुहहरु मेक्सिको सरकारले रोक्न थालेको अमेरिकी भन्सार र सीमा सुरक्षा अधिकारीले बताएका छन ।